Transcription
1
Monsieur, la presente sera pour vous adviser que jay ces jours receu lettres
2
du roy, par où sa majesté ma mandé de faire faire monstre aux compagnies
3
de monsieur le baron des Adretz et paraprès les licentier. Ce que
4
jay faict ; et pource que ledit sieur baron et ses Cappitaines sen vouldroient
5
retourner en trouppe comme ilz sont venuz, il ma instamment
6
prié de vous escrire que vous vueilliez leur envoyer ung
7
commissaire pour les conduyre jusques aux lieux de leur
8
demeure et leur faire bailler et administrer vivres
9
en payant raisonnablement. Je vous prie dy envoyer,
10
sil vous plaist incontinent la presente receue, affin quau plus
11
tost ilz puissent desloger de ce pays suyvant la volunté
12
de sadite Majesté. Et nestant la presente à autre effect, je feray fin
13
par mes bien affectionnées recommandations à votre bonne grace et prières
14
à Dieu quil vous doint
15
Monsieur en santé bonne, longue et contente vie. De
16
Saluces, le VIme jour doctobre 1572
17
Votre plus affectionné à vous faire service
18
Ludovico Birago
19
20
[Réponse de M. de Gordes]
21
Monsieur, jay receu presentement votre lettre du VIme de ce moys pour envoyer commissayre
22pour [barré : avecques ] ramener les compagnies de monsieur des Adrés aux lieux de leur demeure
23
ce que je ne puis ny doytz fayre car je lerrai à vous dire quen alant en piedmont
24[barré : lesdites compagnies ] elles ont fayct entierement ce que bon leur a semblé et non
25
ce que leur estoyt ordonné par le commissayre que je leur avoys baillé. Mays il est
26
croyable monsieur que la monstre que sa majesté leur fayct fayre cest pour
27
payer et se retirer ; et
28
davantage que ledit seigneur des
29
Adrés a escrit que il na ung seul
30
soldat de ceulx qui estoyent passés,
31
ains quil a reffet ses bendes de
32
ceulx qui revenoyent du service
33
des Veniciens, qui est peu
34
vraysemblable, que ils vouldront demeurer par dela que autrement ; et mesmes
35
monsieur, quilz pourront servir pour les creues, par quoy ne fault
36
que luy ny ses cappitaines sattendent davoyr commissayre ny que je leur fasse
37
bailler ny administrer vyvres, sy non que comme ils les achetteront de gré
38
à gré, car jentens bien que la prière quilz vous en ont faicte cest pour leur
39commodité [barré : que ] plustost que pour cele desdits soldatz et se peuvent asseurer qu’en
40[barré : une ] vivant autrement à leur retour que payant de gré à gré, je y remedie
41ray [barré : ensemble ] comme je verray quil sera reysonnable
42